Á Skeiva Pakkhúsi stremba vit eftir, at matupplivingin skal vera so føroysk sum gjørlig. Av landafrøðiligum orsøkum er tað tískil ikki gjørligt at matgera til ymiskar lívshættir sum bert eru samansettar úr grønmeti, so sum til veganarar.

Vit hava samansett eina matskrá, sum gevur eina so breiða, føroyska/italska matuppliving sum gjørligt, og av tí at matstovan er so lítil, ber tað ikki til at tillaga matskránna til veganarar. 

Tó hava vit møguleika at matgera vegetariskar matskráir. Neyðugt er, at kunna okkum um ynski at fáa vegetariska matskrá. Hetta kann gerast við at viðmerkja kunningina til bókingina ella senda okkum ein teldupost á skeivapakkhus@skeivapakkhús.fo

Eru tit 8 gestir ella fleiri, er neyðugt at boða frá hvørja matskrá tit ynskja at eta frammanundan. Matskráin inniber eina røð av rættum úr føroyskari rávøru av landi og úr sjónum við italskum íblástri. 

Matskráirnar speglar árstíðina, tí skifta vit innihaldið regluliga. 

Vit borðreiða rættirnar í “familjustíli", sum merkir, at tit deila matin í umførum tykkara millum við borðið. Ynskja tit vín ella annað at drekka afturvið matskránna, kunnu vit lættliga snikka eina vínskrá ella drekkiskrá til tykkum, sum passar til matskránna. Eisini eru tit vælkomin at síggja okkara vínkort frammanundan og gera av sjálvi, hvat tit ynskja at drekka afturvið matskránni. 

Til bólkar við 12 gestum ella fleiri, er neyðugt at gjalda fyri matskránna frammanundan. Endurgjald vegna forfall verður latið upp til 48 tímar áðrenn bókingina á Skeiva Pakkhús. 

Um tit eru 40 ella fleiri gestir, er neyðugt at leiga hølið. Skriva ein teldupost til okkara á skeivapakkhus@skeivapakkhus.fo og hoyr nærri.