Restaurant ROKS is closed during winter time. We are reopening on the 6th of March 2025.

Á ROKS stremba vit eftir, at matupplivingin skal vera so føroysk sum gjørlig. Av landafrøðiligum orsøkum er tað tískil ikki gjørligt at matgera til ymiskar lívshættir sum fyrst og fremst eru samansettar úr grønmeti so sum til veganarar og vegetarar.

Vit hava samansett eina matskrá, sum gevur eina so breiða, føroyska matuppliving sum gjørligt, og av tí at matstovan er so lítil, ber tað ikki til at tillaga matskránna.

Tískil er heldur ikki møguligt at matgera til vegetarar og veganarar.

Um tú ynskir at avlýsa, vinaliga gev okkum boð í seinasta lagi 48 tímar áðrenn tína borðbílegging.

VÍNBÓNDAGILDI Á ROKS 8. april 2025

Vit byrja ársins fyrsta Wine Take Over við einum braki!
Tann 8. apríl vilja vit fegin bjóða tykkum á vínbóndagildi á ROKS! Hesa ferð er møguleiki fyri at smakka ymisk og fjølbroytt vín frá nýggju ymiskum vínframleiðarum, sum ferðast úr Fraklandi, Spaniu og USA til Føroya at vitja.
Vínbøndirnar velja tvey serlig vín hvør, sum verða skonkt – tað merkir, at samanlagt 16 ymisk vín eru at smakka.
Maturin verður borðreiddur av ROKS toyminum og vertunum hetta kvøldið.

Felagsdøgurðin byrjar kl. 18:30.
Kostnaður fyri hvønn er 1750,-

Vit, vínbóndir og starvsfólk gleða okkum at taka ímóti tykkum. 

--

WINE TAKE OVER við Weingut Odinstal á ROKS! 25. april 2025

Ársins næsta Wine Take Over á ROKS er við vínbóndanum Andreas Schumann, sum stendur á odda fyri vínframleiðsluni á viðurkenda vínhúsinum Weingut Odinstal. 

Vínhúsið Odinstal liggur í Wachemheim, Pfalz, eitt vínøki, sum er millum tey størstu í Týsklandi. Jarðarbotnurin í Pfalz er í høvuðsheitum úr ryðmold, men vínhúsið Odinstal liggur beint við vulkanskt lendi, sum hevur í sær basalt og reytt leir. Hetta speglast aftur í vínum teirra. Vínini eru framleidd úr ymiskum drúvusløgum, eitt nú Riesling, Sylvaner, Gewürztraminer og alskyns Pinot-sløgum – og framleiðsluhátturin er biodynamiskur. 

Vilt tú hoyra, smakka og læra meira um júst hetta? Kom við til víntiltakið á ROKS fríggjadagin 25. apríl kl. 18:30

Ein serstøk ROKS-matskrá verður borðreidd saman við fimm ymiskum gløsum av víni frá Weingut Odinstal. 

Kostnaður fyri hvønn er 1750,-